今日我公司開咗個X'Mas Party~ D Denmark 同事同老細玩到癲咗~~
(個個著得好靚, 我都著西裝, 哈哈, 超有型!!)
玩到五點半散水, 跟住即刻HappyHour..落咗Why Club(TST)繼續飲, 由六點幾玩到十點...滿以為夠皮, 點知又去咗食印度餐(同Simon, John, Danielle,唔知點解全部係外國人...), 佢哋又叫酒, 杯嘢叫做Moscow Mule, 即係 Russian Ass (Denmark話之解釋...
), 不過D印度咖哩真係好好食, 夠正宗!
之後我哋送Danielle去搭飛機(約十一點半), 死仔Simon又話去飲嘢...結果落咗LKF, 仲要扮鬼佬企响條街到飲嘢... 又飲咗幾杯唔知乜乜lime(又幾好味...喎), 跟住已經兩點幾喇.
最終... 又去咗C club到飲咗一杯...
總結:
十年難得一潤嘅"酒精傳萬家"(or酒精滿東華)終於完滿結束...
時間為下午兩時至零晨五時, 結果返到屋企瞓唔著, 仲要打個Run down 俾大家分享一吓...
後記:
聽日表姐結婚, 仲要約咗屋企人十一點去飲茶, 之後入Disney HK飲喜酒, 希望唔洗飲啦@@
P.S. 其實我身体有毛病係唔飲得酒嘅, 所以前幾年都冇飲過酒...今日真係傻咗... 日後真係唔可以飲咁多.
(堅嘅, 幾年都極小接觸酒精類產品, 加上小弟酒量極為淺, 各大俠如下次見到我飲酒, 請唔好對我...飲少少開心吓姐!!)
